ولد الحطاب والنصايح الثلاث .

السلااام عليييكم . .

هلا والله شحااالكم عسااكم بخييير .؟


يبت لكم قصه ان شااء الله تعجبكم
كان يا مكان في قديم الزمان .. كان في حطاب ويا مرته عايشين حياة بسيطه
ويا بعض .. ومرت السنين ورزقهم الله بولد .. فرحوا وخاصه انهم كانوا كبيرين
بالسن اشوي .. من بعد ما رزقهم الله هالولد .. قرر الحطاب انه كل يوم يخش له نص
ما يطلع من شغله اليومي ومرت الايام واستوى عنده ثلاثمئة دينار خاشنهم لولده .. بس !!
مرض الحطاب و اشتد مرضه .. وللاسف مااات .. وقبل ما يموووت وصى مرته انه
هالثلاثمئة دينار تشترين فيهم حق ولدنا نصايح من شيخ البلدة ..

كبر الولد وامه يزاها الله خير ما قصرت ف تربيته ودته يدرس .. اتعلم القراية والكتابه
وحفظته القرآن ... ويوم بلغ سن الرشد وقرر انه يتزوج :

ولد الحطاب (اسمه محمد ) : اميييه .. انا قررت اني اكمل نص ديني
امه : هاي الساعه المباركه ياولدي .. بس انته بعدك ما اشتغلت شقايل بتصرف ع البنيه ؟
ولد الحطاب(محمد) : امممم انزين نحن ما ورثنا شي من ابوي ؟ مستحيل ابوي ما خلالنا شي
نستفيد منه في مثل هاي الاوقات ؟؟
امه : والله يا ولدي تبا الصدق .. انته ورثت من ابوك ثلاثميه دينار ..
الولد ( بدهشة تغمرها الفرحه ) : ثلاثميه ديناااار !!!!
امه : هييه بسسسس ما قالي انه ازوجك فيها .. وقالي انه اشتريلك منها ثلاث نصايح من شيخ
البلده بوابراهيم ...
محمد ( بدت عليه علامات خيبة الامل ) : خلاص يا اميه سوي الي اتجوفينه ..

سار محمد وامه للشيخ بو ابراهيم .. ع اساس الام اتنفذ وصية زوجها ...
ويوم دشوا ع بوابراهيم الشيخ :

الام : السلام علييك
بو ابراهيم : وعليكم السلام
الام : والله يا شيخ انا ريلي قبل لا يموت وصاني اشتري منك ثلاث نصايح
حق ولدي ..
بوابراهيم : وانتي تبين اتنفذين وصيته ؟
الام : اكييد !!
بوابراهيم : هاتي اميه دينار
الام عطته
بوابراهيم ( يرمس محمد ) : اسمع يا محمد .. وحط هالنصيحه ف مخك زين ما زين ..
محمد : انشاء الله ..
بو ابراهيم : اقنع بالقليل تزدد خيرا ... هاتي الاميه دينار الثانيه
الام عطته
بو ابراهيم ( يرمس محمد ) : اياك ان تخون الامانه ولو خانها غيرك .. هاتي الاميه دينار الثالثه
الام عطته
بو ابراهيم ( يرمس محمد ) : اذا حد دعاك لفنجان القهوة اياك ان ترده لانه بينجيك من الهلاااك
الام : يزاك الله خير يا بوابراهيم ..
بو ابراهيم ( يرمس ام ابراهيم ) : انا اجوف يا ام ابراهيم لو اتخلين ولدج يشتغل كتااب احسن
لانه ماشاء الله عليه يعرف يقرى ويكتب ..
الام : انشاء الله .. مشكور يا شيخ فمان الله ..
بو ابراهيم : بالتوفيق .. مع السلامه ..

نفذت الام الي وصى فيه الشيخ بو ابراهيم وشغلت ولدها كتاب ف السوق .. شو يعني كتاب ؟
الكتاب يا جماعه هوه واحد لازم يكون يعرف القرايه والكتابه ويقعد ف السوق يكتب حق الناس رسايل
او يقرى رسايلهم وطبعن بمقابل لانه ف ذاك الوقت مش كل الناس يعرفون يقرون ويكتبون ..

يوم من الايام بين ما كان محمد يالس ف السوق يتريا زباينه .. يت له حرمه ..

الحرمه : هلا اخوي انا سايره عند الملك واباك تكتب لي خطاب او شعر اقوله حق الملك
محمد : انشاء الله .. بكتب لج شعر ..
بعد ما كتب لها الشعر وخلص ..
محمد : اندوج اختي خلصت ..
الحرمه : مشكووووور .. بس اسمحلي ما اقدر اعطيك البيزات الحينه وانشاء الله
اول ما بيعطيني الملك بعطيك نص الي عطاني ايااه وهذا وعد مني ..
محمد : انشاء الله ^^ ..

سارت الحرمه عند الملك .. والقت عليه الشعر الي كتبه محمد ومن حسن حظها انه شعر محمد
نال اعجاب واستحسان الملك و وااايد استانس منه .. فأكرمها وعطاها من الخير الكثير ..

ردت الحرمه عند محمد :
الحرمه : هلا اخوي .. اتفضل
محمد : شو هاه ؟
الحرمه : ربع دينار لاه ؟
محمد : انتي قلتي بتعطيني النص ..
الحرمه : اسمحلي ما اقدر اعطيك النص ...
محمد كان على وشك ان يبدا بضرابه ويا هالبنت لانها وعدتها بنص الي بيعطيها الملك بس اتذكر
نصيحة الشيخ بو ابراهيم " اقنع بالقليل تزدد خيرا " فرضى بالربع دينار

ومرت الاياااام .. طرش الملك الحراااس للحرمه ظنا منه انه هيه الي كتبت الشعر ويباها تكتب
له شعر مره ثانيه .. فيوم سارولها الحراس :
الحراس : تعالي يا حرمه الملك يباا يجووفج
الحرمه : هاه ليش ؟ شو سويت ؟
الحراس : يبا يخليج شاعرة القصر
الحرمه : هاه منو انا ؟ آأآأآأ انا ما يخصني ف الشعر
الحراس : شو ؟ عيل منو هاه الي كتب الشعر الي قلتيه حق الملك ؟
الحرمه : هذا كتاب ف السوق اسمه محمد دوروه ودوا للملك انا ما يخصني

ساروا الحراس عند محمد وودووه عند الملك .. انعجب الملك واااااايد بشخصيه محمد بل وعينه
مستشاره الشخصي الي اذا واجهت الملك مشكله يستشير محمد فيها ويتسهل امر هالمشكله بشور محمد ..

ومرت الايام .. قرر الملك انه يطلع ويا جيشه عشان يواجه بعض الغزاة الطامعين ع حدود مملكته
وخلى محمد يدير شؤوون المملكه ف غيابه ..

كان محمد قبل لا يسافر الملك ينااام ف بيته الي هوه جريب من القصر بس يوم سافر الملك قرر انه
ينام ف القصر خوفا منه ع اوراق وممتلكات الملك ..

بسسس زوجت الملك الله يهديها وايد منعجبه ف محمد .. يوم من الايام محمد كان يالس ف حجره
الملك ينبش ف هالاورااق دشت عليه مرت الملك وبدت اتراوده عن نفسه بس هوه ما رضى طلع
من القصر ومن بعد هالحادثه قرر محمد انه يدير شوون المملكه ف النهار ويسير بيته يرقد ف الليل

يوم رد الملك من الحرب الي انتصر فيها ع طوول يت له مرته وقالت :

مرته : يرضيك يا بو عيالي ؟ يرضيك الي سوا فيني محمد مستشارك ؟
الملك : شووو ؟ محمد ؟ محمد انسان امين ومستحيل يسوي شي ما يرضيني
مرته : ف غيابك اتهجم عليه ولولا اني صرخت باعلى صوتي للحراس الله اعلم شو كان بيسوي فيني
الملك : سود الله ويهه ما عليه الحينه براويه هالخايس النذل ..

كتب الملك رسالة واعطاها حق محمد وقاله سير عند الحراس الي صوب الحديقه وعطهم هالرساله
شو مكتوب ف هالرساله ؟ الرساله مكتوب فيها " اذا ياكم حامل هالرساله اقطعوا راسه "

محمد اتعايز يودي الرساله قال بحطها ف حجرتي بسير اصلي الفجر وبعدين بوديها .. وهو راد من الصلاة
جافه واحد من الربع قال :

ربيعه : محمد جيف حالك ؟؟ الله الدنيا من بعد ما استويت مستشار خلاص ما انجوفك
محمد : لا اتقول جيه يا ريال .. شو انسوي مشغولين
ربيعه : عاد ما يصير لازم اتي عندي تشرب قهوة ف بيتي هيه ما يصير من زمان ما جايفنك
محمد كان بيقول حق ربيعه انه عنده رسالة مهمة لازم ايوصلها بسسسس اتذكر وصية الشيخ
بو ابراهيم "اذا حد دعاك لفنجان القهوة لا اترده تراه بينجيك من الهلاك" .. فقبل دعوة رفيجه وساروا ...

زوجت الملك جافت ريلها يوم يعطي محمد الرساله والفضووووول يعتريها من فوق لتحت تبي اتعرف
شوفيه هالرساله .. دشت حجرته خذت الرساله .. وسارت الحديقه عشان تقرى هالرساله .. و الحراس جافوا
عندها رسالة عليها ختم الملك .. شكوا فالموضوع خذوا من ايدها الرسالة وجافوا مكتوب فيها " اذا ياكم حامل هالرسالة اقطعوا راسه "
ع طوول نفذوا المكتوب ف الرساله لانه عليها ختم الملك يعني ع قولتهم أمر مباشر... ف نفس الوقت محمد يا والملك يا :

الملك ( مندهش ) : كيف وصلت الرساله ف ايييدها ؟
محمد : كيدها رد بنحرها مولاي .. اكيد هيه قالت له انه انا اتحرشت فيها .. بس للاسف
العكس صحيح .. ان الله يمهل ولا يهمل ..
الملك ( بعد ما جاف الدليل بعينه ) : والله يا محمد انته ريال امين وسمحلي شكيت فيك .. ومكافأة
لك انا بزوجك بنتي ..

اتزوج محمد بنت الملك .. واستوى امير البلاد .. فجوفوا شو سوى محمد ؟ ؟
قنع بالقليل ازداد خيراا استوى مستشار الملك .. ما خان الامانه يوم مرت الملك خانتها .. ما رد اربيعه
يوم دعاه لفنجان القهوة فنجى من مكيدة مرت الملك ^ ^ ...

نستفيد من هالقصه :
1- نسمع نصايح كبار السن لانه عندهم خبره ف الحياة اكثر عنا ^ ^ ..
2- الوفاء بالعهد
3- طاعة الوالدين
4- عدم رد الهدية ^ ^


وتووووته تووووته خلصت الحتوووته ^^


هاا شو راايكم حلووه ولافتفووته ؟

منقووووووله

حلوووه خخخ



يسلموووو ع الطرح الغاوي

حللوة القصة ..

يسلموو ع الموضووع

عيووونج الاحلى ..


تسلمييين ع المروور

رووعـه القصـه ..
يسلمـو ع الموضوع ..

عيووووونج الحلووه
الله يعاافيييج عشقي جنووووونه