خواطري ....

قبل فراقج كانت كلماتي كلها شوق و حنين و رومانسية و بعد فرقاج صارت كلماتي غير و أحاسيسي غير و صرت انا إنسانه ثانية صرت ما اعرف اعبر عن حبي لأي شخص، كرهت الحب كرهت كل انسان يحب و يترك حبيبته و كرهت الرومانسية و القصص الرومانسية و كرهت كل انسان يحلف و يوعد حبيبته انه ما راح يتركها و انه بيتم معاها لين الموت و ان الموت ما بيفرقهم ، لان هذا مجرد كلام ينقال و ما يتحول حقيقة نادرا ما يكون الحب صادق و حقيقي و هالحب نادر و صعب الوجود ..
حاولت اختصر كلماتي لكني ما قدرت ، كل ما اختصرت حسيت إني نقصت مشاعري ، مشاعري و أحاسيسي ما تختصر ، أحيانا تمنيت الموت و أحيانا تمنيت الحياه لاني حبيت اثبت لج و للناس إني مب محتاجة لاي انسان في حياتي و احيانا تمنيت الوقت يرجع و ترجع أيامنا الحلوة ..

أحيانا ايلس بروحي و أفكر و استرجع ذكرياتي معاج و أتمنى الوقت يرجع و ما ارتكب الغلطة اللي غلطتها معاج مرة ثانية و اللي خلتج تبتعدين عني ،ندبت حظي العاثر و ندبت الحياة لان العيش فيها صعب ، يمكن يكون هذا اختصار لنص مشاعري ..
الكلام وايد سهل لكن وصف مشاعري صعب ، احيانا يكون لي مشاعر تجاه شخص و انا ما اعرف لانه مب كل المشاعر نعرفها ..
تعبت من كثر ما اقول همومي و احزاني للناس .. احس كل ما قلت لشخص تزيد همومي ..
انا مب مضايجة لانها تركتني انا مضايجة من اسلوبها معاي . لما تركتني قالتلي بنكون ربع ما قالتلي بنكون مثل الاعداء و بنكره بعض ، دايما كنت اقول للناس الكلام سهل لكن الفعل صعب ..
ما اباج ترجعيلي اهم شي عندي انج تكونين سعيدة و مرتاحة ، ساعدتج من سعادتي و راحتج من راحتي ، كل اللى اطلبه من الزمن انه ما يعذبج ..
كل ما صليت ادعي ربي يعطيني همومج و اعطيج فرحي ، انتي كل حياتي و قلبي ...



اتمنى انه ينال اعجابكم

تسلمين ђăşαўęf ع المرور العسل

خلاص عافج خاطري و نساج قلبي ، بعد كل اللى سويتيه فيني لا تتحرين بتم احبج ، لا حياتي انتي غلطانه ، اهنت عمري و ذلييت عمري واايد عشاانج ،، خلاص زمن الاهانة و المذله ولى و رااح ...
ندمت على الايام اللى ضيعتها معاج ، و ربعي اللي ابتعدت عنهم و انتي السبب و نزل مستواي في دراستي و انتي السبب ،، ما توقعت حبج يسوي كل هذا ، لكن لما تركتيني تعدلت احوالي ،، لكن في شي في حياتي ما تعدل هو اني ارد مع ربعي مثل قبل ،، لكن للاسف حصلت ربعي متغييرين علي واايد ...
خلاص يا قلب بعطييك اجازة لا تحب و لا تفكر تحب ،، خلك سنقل و ريح بالك ..!!!

اليوم الساعه 5 ونص و صلي خبر وفاة انسانه غاليه على قلبي ،، الله يرحمها و يغمد روحها الجنة .. صحت لين ما جفت دموعي ، تعبت من كثر الصياح ، حاسه اني دموعي بتخلص ..
كانت هي بنسبالي الام و اليده . ما انسا فضلها علي ، هي ربت امي و ربتني و انا صغيره ، و علمتني وايد اشياء في حياتي و من هالاشياء اني اصبر لما الاقي مشكله في حياتي و اني ما احكم على الناس بسرعه ، و اني قبل لا اسوي اي شي لازم افكر هالشي بيضر الناس اللى حوليني و لا ..؟؟ اااه يا قلبي .. اتمنى انها ترد كان ودي اجوفها قبل لا تموت . تقريبا صارلي شهرين مب جايفتنها كنت باجر بسيرلها المستشفى اجوفها بس ربي اخذ امانتها اليوم ، لازم اشد على عمري شوي و اكون قويه عشان اشيل خواتي و امي لان محد ف البيت قدر يشد حاله كلهم ضعفو من اول ما سمعو خبر وفاتها ...
اعصابي انفجرت مب حاسه باللي حوليني و اعصب ع ادنات الشي و مب قادره استحمل اي شي من اللي حوليني ، ابا اجوفها قبل لا تندفن خاطري اجوفها و لو لمرة و احس اني جفتها قبل لا تموت ، خاطري الوقت يرجع و اسيرلها المستشفى و اجوفها بس ااااااخ من الزمن القاسي ،، خذا اعز الناس لقلبي ،،،، ><

أجرنا و أجركم ><